DAHAN-dahan na nagmulat ng mga mata si Dana. Napakurap-kurap din siya ng mata nang tumambad sa kanyang paningin ay puting kisame. Nagpalinga-linga din siya sa paligid at puro puti ang nakikita ng mata niya. At base sa nakikita niya ay mukhang nasa ospital siya sa sandling iyon.
Pilit naman niyang inaalala kung paano siya napunta do'n, eh, ang huling naalala niya ay nasa palengke siya at bumibili siya ng mga prutas. Hanggang sa maalala niya na umikot ang paningin niya at nawalan siya ng malay.
At bago nawalan ng malay si Dana ay may mga brasong sumalo sa kanya at pamilyar na boses na tumawag sa pangalan niya.
Mayamaya ay nanlaki ang mga mata ni Dana nang may na-realize siya. Bigla din siyang nakaramdam ng grabeng kaba. Ang lakas-lakas din ng t***k ng puso niya dahil sa kabang nararamda
