"ANO? Nandiyan ang asawa mo?" balik tanong ng kaibigang si Nadine ng minsang tawagan ito ni Dana para ipaalam na nandito si Franco sa probinsiya nila at higit sa lahat ay malapit lang ito sa kanila.
Tumango naman si Dana kahit na hindi siya nakikita ng kaibigan. "Oo. At bagong kapitbahay namin siya," wika pa niya dito.
"Oh," narinig naman ni Dana na sambit ni Nadine mula sa kabilang linya. Kung nakikita lang niya ito ay sigurado siyang nanlalaki ang mga mata nito. "Baka na-miss ka kaya siya nandiyan," mayamaya ay hindi nito napigilan na tuksuhin siya. "Baka diyan na din bumalik ang tamis ng pag-ibig," dagdag pa na wika nito sa natatawang boses.
Napanguso naman si Dana sa sinabi nito. Alam nito na hindi pa din nawawala ang pagmamahal niya para kay Franco dahil sinasabi niya iyon dito
