Kumatok ako ng tatlong beses bago tuluyang pumasok sa silid na kinaroroonan ni sir Zeke. Nakahawi ang kurtina sa kaniyang veranda kaya, sinilip-silip ko muna kung naroon ba siya. Ngayon lang ako nakapasok sa kwarto ni sir at masasabi kong napakalinis niya pagdating sa kaniyang mga gamit. Nakasalansan kasi ng maayos ang mga nakalatag sa kaniyang lamesa, lalo pa nang mapadako ang tingin ko sa kaniyang kama. Grabe parang isang taon nang walang nahihiga roon sa sobrang ayos ng pagkakasalansan. Wala naman siyang maid kaya for sure na siya lahat ang gumagawa ng mga iyon.
“S-sir Zeke?”
“I am here, Atasha.”
Nagulat ako nang sa pag-ihip ng hangin sa abuhing kurtina ng veranda ay natanaw ko ang pigura ni sir Zeke na nakasandig sa railings. May hawak itong baso’t nakamata sa akin.
Dahan-dahan ako
