"Crislina, saan ka galing? Ang Inay mo."
"Bakit ho? Napa'no ang Inay?"
"Isinakay siya ni Sir Gaspar sa kotse para madala sa ospital. Kanina ka pa namin hinahanap."
"Ano?" Patakbo niyang tinungo ang mansyon habang nakasunod si Arlene. Punas pa rin niya bawat luhang pumapatak sa pisngi bagama't ang Inay niya ang inaalala niya ngayon. Iniwan niya itong masigla kanina. O baka nagkukunwari lang itong malakas na para hindi siya mag-alala?
"Nay!"
"Sumakay ka na, Crislina, dadalhin natin sa ospital ang Inay mo!" malakas na utos ni Gaspar sa kanya. Nakasandal ang likod ng ina sa upuan ng kotse. Mabilis siyang sumakay at pinasandal ito sa kanya.
"Nay, Nay..."
"Cris..."
"Papunta na ho tayo sa ospital, kapit lang ho. Huwag kayong matutulog ha, bibilisan ni Papa ng pag-drive para maka
