“ANO PO ANG ginagawa ninyo rito?” tanong ni Hada matapos tapunan ng seryosong tingin ang mag-asawang Simon at Ximena. “B-bakit po may mga pulis kayong kasama? M-may kasalanan po ba ang tatay ko sa inyo?”
“Cla—Hada hija, maaari ka ba naming makausap saglit?” maluha-luha ring saad ni Señora Ximena pagkuwa’y walang paalam na kinuha ang palad ng dalaga na ipinagtaka naman niya.
“Tungkol po saan?” tanong niyang muli.
“Cohen,” anang Don Simon sa pamangkin nang lumingun ito at sumenyas.
Mayamaya ay tahimik na lumabas ng silid ang binata maging ang tatlong pulis na naroon.
Ilang sandaling katahimikang namayani sa loob ng silid habang sila lamang ang naroon. Nakatayo ang Simon dalawang dipa ang layo mula kay Hada, habang nagsimula namang humakbang ang Señora Ximena palapit sa hospital bed na k
