BUMUKAS ang pinto ng silid ni Minandro. Iniluwa roon si Cohen kasama nito si Hada. Nang makita ng mag-asawa ang dalaga sa tabi ng binata, kaagad na napatayo sa kinauupuan nito si Ximena at nagmamadaling nilapitan ang anak.
“C-clara anak,” maluha-luhang sambit nito pagkuwa’y nag-aalangan ang kamay na umangat upang hawakan sa kamay ang dalaga. “A-anak.”
“P-puwede ko po ba kayong makausap?” anang Hada na ipinagpalipat-lipat pa ang paningin kay Don Simon at Señora Ximena.
“Oo naman. Halika! Kanina pa kami naghihintay sa ’yo para makausap ka.” Saad ni Ximena at iginiya sa sofa si Hada. Doon ay magkakaharap silang umupo. Handa ang mag-asawa na ikuwento ang lahat sa dalaga kung anuman ang mga nangyari noon. Handa silang sagutin kung anuman ang mga magiging katanungan ni Hada sa kanila upang m
