TAONG 1994
“SIGE señora, malapit na! Nakikita ko na ang ulo ng anak mo.” Anang komadrona sa babae habang hinihingal ito at tagaktak na ang pawis sa noo.
Muling humugot nang malalim na paghinga ang babae pagkatapos ay umiri itong muli nang pagkalakas-lakas na halos mawalan na rin ng ulirat. “Ahhh! Simon!” umiiyak na tawag nito sa asawa.
“Kaunti na lamang señora at lalabas na ang anak mo.” Muling saad ng matandang komadrona habang ipinapagpalipat-lipat ang paningin sa babaeng umiiyak at sa ilalim ng kumot. “Ito na at lalabas na ang bata!”
Agad na natigilan sa pagparoo’t parito ang lalaki na nasa labas ng kuwarto nang mayamaya ay marinig nito ang palahaw ng isang sanggol. Habang nasa batok nito ang dalawang kamay, nagsimula na rin itong maglakad palapit sa may pintuan.
“Naririnig mo ba a
