CHAPTER 81
GEORGELYN POV
Flashbacks in GEORGELYN 's Life:
Tahimik lang akong nakaupo sa loob ng kotse habang mahigpit pa rin ang hawak ni Xander sa kamay ko, para bang natatakot siyang bigla akong tumakbo. Pero kahit gusto kong magwala, wala na akong lakas. Nasa isip ko pa rin ang pagtataboy sa akin ni Ate Mercy, at sa bawat alaala noon, parang may matalim na kutsilyong tumatarak sa puso ko.
Pagdating namin sa malaki at marangyang bahay—mansion pala talaga—ng mga Belfort, napasinghap ako. Parang hindi ko maipaliwanag ang pakiramdam. Ang bahay na ito ay parang simbolo ng kapangyarihan ni Xander, at ngayong narito na ako, ramdam kong mas lalo na akong nakulong sa isang hawlang hindi ko ginusto.
Pagbukas ng pinto, bumungad sa akin ang isang babaeng may mataas na tindig ngunit magaan ang
