CHAPTER 9
HAZEL POV
Ala-singko pa lang ng umaga, gising na ako. Pakiramdam ko, halos hindi ako natulog sa sobrang excitement. Hindi na ako papasok ngayon bilang waitress—kundi bilang secretary ni Mr. Belfort. Ang bigat ng responsibilidad, pero mas nangingibabaw ang kaba at kasabikang mapatunayan ang sarili ko.
Sabi ni Ms. Clara, tuturuan pa raw niya ako ng mga mas detalyadong bagay tungkol sa trabaho. Kapag nasiguro raw niyang kaya ko na, saka pa lang siya makakahinga nang maluwag. Ayokong sayangin ang tiwala niya—lalo na’t siya ang unang naniwala sa akin sa mundong ito ng mga may matitinding kwalipikasyon at diploma.
Mabilis akong naligo, nag-ayos, at nagbihis gamit ang uniform na ibinigay nila kahapon. Maayos at elegante ang itsura ko ngayon—malayo sa simpleng blouse at paldang suot
