CHAPTER 54
CELESTINA POV
Mula sa malayo, sa likod ng malagong taniman malapit sa boundary ng park, nakasilong ako sa lilim habang tahimik na pinagmamasdan ang tanawing parang sinadyang ipakita upang saktan ako.
Si Xander.
Kasama ang babaeng iyon.
At ang kambal—ang kambal na dapat ako ang,
Nag aasikasong parang ina.
Tila ba bumigat ang bawat paghinga ko habang pinagmamasdan ko silang nakaupo sa picnic mat. Tawa nang tawa ang kambal habang may hawak na stuffed toy si Llianne at pinapainom ni Georgelyn ng juice si Lucas. Si Xander naman… para siyang ibang tao. Nakangiti, panatag, halos walang bakas ng pait sa mga mata niya. ‘Yung mga matang dati’y ako lang ang dahilan ng ngiti.
“Ayan ka na naman,” sabay sulyap sa ‘kin ni Vino, na nakasandal sa puno sa tabi ko. Naka-itim siyang jacket,
