CHAPTER 35
MR. BELFORT POV
Maaga akong pumasok sa opisina upang habulin ang tambak na trabaho. Kailangan kong tapusin ang ilang kontrata at dokumento bago magtapos ang linggo. Nakatuon ako sa pagbasa ng report nang biglang bumukas ang pinto at sumilip si Carla.
“Sir... may naghahanap po sa inyo.”
Napakunot ang noo ko. “Diba sinabi ko na huwag munang tumanggap ng bisita? Kahit si Marco pa ’yan. Marami akong ginagawa.”
Napangiwi si Carla, halatang naiipit sa sitwasyon. “Sir, mapilit po kasi siya…”
Napabuntong hininga ako at bago pa man ako makapagsalita ng tuluyan—
Blag.
Bumukas nang kusa ang pinto at pumasok ang isang babaeng naka-red dress. Matapang ang tingin, nakangiti ng may kumpiyansa — at para bang isang multo mula sa nakaraan.
“Hi, Xander. You miss me?” tanong niyang may hal
