CHAPTER 34
HAZEL POV
Maaga pa lang ay nagising na ako. Tahimik ang buong paligid, at ramdam ko ang lamig ng umagang iyon habang marahang binuksan ko ang pinto ng silid na tinutulugan ko. Habang palapit ako sa hagdan, napatigil ako nang mapansin kong may bumukas na pinto sa dulo ng pasilyo.
Dahan-dahan akong sumilip.
Si Mr. Belfort. Mula siya sa library room. Ngunit may kakaiba.
Mabilis ang hakbang niya, parang may gustong itago. May hawak siyang maliit na kahon sa isang kamay, at mahigpit niya itong kinukubli habang dire-diretso siyang pabalik sa sariling silid. Hindi niya ako napansin.
Napakunot ang noo ko.
Bakit parang… may itinatago siya?
At anong meron sa library room na tila masyado niyang pinangangalagaan?
Pagdating ko sa kusina, nadatnan ko na si Manang Rosa. Tahimik siyang
