“NASA’N ka na?”
Hindi napigilang iikot ni Guinevere ang mga mata. Hindi na nakatiis si Charlie, tinawagan na siya. Gayong ang usapan nila ay siya na lang ang magte-text o tatawag dito sa sandaling makarating na siya sa mall kung saan sila magtatagpo ni Antonio. Charlie was jealous nang sabihin niya kahapon na day off ngayon ni Antonio at napagkasunduan nilang magkita. Gusto pa ni Charlie na sumama kaya lang ay nakikini-kinita na niya kung ano ang mangyayari. Charlie would never leave her side. Hindi lang iyon, hindi rin nito aalisin ang kamay nito sa kanya para maiparating sa kaibigan niya ang gusto nitong iparating. Mabuti sana kung hanggang holding hands lang. May pakiramdam si Guinevere na hindi rin siya titigilan ng halik ni Charlie kahit pa sawayin niya. He was jealous and p
