TUMIGIL SINA Yvette at Ziggy sa tapat ng isang silid. Tumingin muna siya sa binata na tila hinihintay na buksan niya ang pinto. Tumaas ang isang kilay niya saka tumingin ng makahulugan kay Ziggy saka sa doorknob.
Bahagyang nagulat pa si Ziggy ngunit ginawa rin naman nito ang nais niyang ipahiwatig. Ito ang nagbukas ng pinto kaya naman sumilay ang matamis na ngiti niya rito. "Thank you!" aniya saka naunang pumasok sa loob.
Naabutan nila si Peachy na kalalabas lang ng banyo habang si Lemon ay parang ignorante na tinitingnan ang swerong nakalagay sa kamay.
"Hi!" masigla niyang bati rito.
Lumingon sa kanila si Lemon. "Ay salamat at dumating din!" Reklamo nito na tila hindi iniinda ang mga natamong paltos at sugat sa katawan. "Akala ko puputi na iyong mga mata ko kakahintay sa bisita ko. N
