CHAPTER 57
"ELI, GUSTO mo bang kumain muna?" Tanong ni Yvette matapos silipin si Eloisa gamit ang rearview mirror ng umaandar niyang sasakyan. Hindi kumibo si Eloisa at nanatili lang na nakatingin sa labas ng bintana ng kotse. Nagkatinginan sina Apple at Yvette at tahimik na nagpalitan ng senyas.
Pabalik na sila sa apartment ni Yvette nang mapansin ng dalaga na alanganing oras na pala at hindi pa sila kumakain kaya nagtanong sya. Pero ito ngang si Eloisa, tila wala pa rin sa sarili.
Naisip niyang baka magpa-deliver na lang sila mamaya pagkauwi nila sa apartment niya upang hindi na sila mapagod pa lalo.
Silang tatlo lang muna ang uuwi dahil kailangan pang bumalik ni Lemon at Peachy sa ospital. Kasama ng mga ito ang doktor na siyang nakita nila kanina. Hindi pa naman kasi totally discar
