CHAPTER 20
"BAKIT NA-LATE ka kanina?" tanong sa akin ni Sazha pagkalabas ng teacher namin sa first period.
"Ah kasi medyo nagkagulo sa bahay kanina," sagot ko dahil iyon naman talaga ang totoo.
"Bakit minalditahan ka na naman ba ng pinsan mong si Penelope?" tanong nito at tumango-tango ako.
Heto na naman kami sa chismisan moment dahil wala pang teacher.
"Oo eh, alam mo naman iyon."
"At ano na namang kademonyohan ang ginawa niya, beshy?" Inilapit pa niyang lalo ang upuan sa akin.
Kapag ganito talaga interesadong-interesado ang babaeng ito. Iginala ko ang mata ko sa paligid dahil baka may spy pa na magsumbong sa babaeng iyon.
"Gumising ako nang maaga kanina para magluto. Tapos noong nakaluto na ako inihain ko na lahat sa lamesa saka ko sila tinawag. Nagalit si Penelope noong nalam
