Chapter 26
HINATAK AKO ni Sazha palabas ng classroom namin. Hindi ko talaga alam kung saan ba ako dadalhin ng babaeng ito. Siguro ay may ipapakita na naman ito sa aking pogi na nai-spot-an niya sa kung saan. Naku kapag ako talaga napasubsob sa kahahatak ng babaeng ito hahambalusin ko talaga ng walis tambo ang isang ito mamaya.
"Dahan-dahan naman. Gusto mo bang mahulog tayo sa hagdan?" sabi ko dahil kung makahatak siya akala mo ba eh may sunog.
"Sorry beshy excited lang kasi ako."
Umikot ang mata ko sa hangin dahil sa iritasyon.
"Naku kung sinu-sino na lang iyang mga nahahanap mo. Kapag talaga iyan ex mo na nakikipagbalikan kukutusan talaga kita. Ilugar mo karupukan mo ah."
Pagtapak namin sa baba ay dinala niya ako sa elevator. Buti naman at naisipan na ng babaeng ito na mag-elevato
