Chapter 15
NAGISING ako sa pamilyar na kuwarto. Ito rina ng parehonh lugar kung saan ako dinala noong aksidente akong tinamaan ng bola. Ang kaibahan lamang ngayon ay ang taong nagdala sa akin dito ay ang taong nakatama sa akin ng bola ngayon. Wala akong amnesia para hindi maalala ang mga nangyari kanina. Sinikap kong bumangon pero kumirot ang aking ulo. Sakto naman na kapapasok ni Daniel. Naka-school uniform pa siya na nangangahulugang hindi pa siya umuuwi.
"How do you feel?" tanong niya kaagad pagkapasok at humatak ng sila para maupo sa gilid ng aking kama.
"Masakit iyong pisnge ko saka medyo nahihilo pa ako," nahihirapan kong sagot
"Tell me what happened."
"Huwag mo nang alamin. Teka anong oras na ba?" tanong ko habang hinahanap sa bag ko na nasa ibabaw ng side table ang cellphone.
