•Eychan•
Matapos naming kumain kanina ay dumeretso na kami sa bahay ni King. Gusto raw nilang mag-enjoy ngayong walang pasok. Hindi naman ako nag-reklamo dahil gusto ko rin namang makilala ang mga kaibigan ni Thunder.
"King, kapag pinitik kita sigurado akong deretso pool ka na," nakangising asar ni Rafael sa nakatayong King sa gilid ng pool. Nagtawanan naman sila Uno at Tristan ngunit nang nilingon ito ng una ay kaagad din na tumahimik. Natakot yata sa nakamamatay na titig nito. "Ano game ka, King?"
Nagdikit naman ang kilay nito sabay buntong-hininga sa kabaliwan ng kaibigan. Para bang napuno na ito sa pang-iinis nito at isang kalabit na lang dito ay sasabog na siya.
"Thunder, parang galit na yata si King," bulong ko sa kanya. Lumingon muna siya sa akin bago binalingan ang kaibigan na
