•Eychan•
Byernes ngayon at dinala nga ako ni Thalia rito sa club na palagi niya raw pinupuntahan. Sinubukan kong humindi pero hindi pa ako nakakalabas ng gate nang hinila ako nito at pinasakay sa kotse niya.
Dahil wala na rin akong oras na magbihis sa bahay ay dumaan na lang kami sa botique. Hindi rin naman ako gumastos dahil sila naman ang nagbayad sa damit na sinuot ko ngayon. Isa iyong crop top at palda na above the knee at fit sa katawan, kulay red iyon kaya tumugma sa maputi kong kutis.
"Bagay sana sa iyo ang damit kaso iyang buhok at eyeglasses mo, Eychan, nakakasira ng ganda." Napilitan akong tumawa sa sinabi ni Thalia. Hindi ko pwedeng ibuking ang sarili ko dahil sa pagpunta ko ng club.
"Pasensya ka na, Thalia, hindi kasi talaga ako kumportable kapag pinapakialaman iyong buhok
