•Eychan•
Napahawak ako sa aking bag nang makita si Yaxyl at Thalia na nag-uusap sa may sulok. Kinabahan ako kaagad sa aking nakita, hindi ko alam kung magkasabwat ba silang dalawa sa mga nangyayari sa akin, pero hindi ko naman dapat na hinuhusgahan ang ganitong klaseng pangyayari.
Mag-iiba na sana ako ng direksyon nang marinig ko ang sigawan nilang dalawa. Hindi ko alam ngunit kusang naglakad ang mga paa ko palapit sa kanila. Nagtago ako sa pader para hindi nila ako makita. Napahawak ako sa aking dibdib sa sobrang kaba na aking nadarama.
"Sinasabi ko sa'yo, Yaxyl, na wala akong balak na makipag-ugnayan sa iyo!" inis na saad ni Thalia. Doon pa lang ay nakaginhawa na ako nang maluwag, mabuti na lang at wala itong kinalaman sa nangyari sa amin ni Yaxyl dati. Kung hindi ay hindi ko rin mapa
