Hindi ko mapigilang mapangiti habang nakikita kong masaya ang buong pamilya ko habang kumakain kami. Nakakatuwa rin na nakikisabay si Sir Ace sa kanilang lahat habang ako ay tahimik lang na kumakain.
“Ito bang si Chandria, Ace, ay mayroon nang gusto sa kompanya ninyo?” tanong ni Tatay habang nasa kalagitnaan kami ng pagkain.
“Tay…”
Bahagyang natawa si Sir Ace sabay tingin na sa akin. “I don’t know about Chandria having some crush, Tito. She’s always sticking with me dahil palagi kaming nagtatrabaho.”
“Sayang, Kuya Ace, kung wala sana kayong fiancé ay pwedeng-pwede si Ate. Bagay pa naman ho kayong dalawa,” sambit pa ni Jane kaya kaagad ko siyang sinamaan ng tingin.
“Hoy, Jane, ‘yang bunganga mo talaga,” usal ko sabay tingin kay Sir Ace. “Pasensya na po talaga, Sir. Mahilig talagang ma
