NAPANSIN ni Lucy ang biglang pananahimik ni Sabina sa tanong niya dito. Naiiyak na siya sa sobrang tensiyon na kanyang nararamdaman. Pakiramdam niya ay anumang oras ay sasabog na siya. Oo, matagal na niyang alam na babaero ang kanyang daddy ngunit kahit sa panaginip ay hindi niya inisip na maaaring ang kaibigan niya ang maging babae nito. At hindi lang basta babae dahil ito pa ang sisira sa kanyang pamilya!
"Sumagot ka, Sabina! Ikaw ba ang kabit ng daddy ko?!" sigaw na tanong na niya.
"Ano ba naman iyang sinasabi mo, Lucy? W-wala akong alam-"
"Bakit ka nagbalik? Bakit bigla kang yumaman, ha? Totoo ba lahat ng sinabi mo sa amin na naaksidente ka at pinamanahan ka ng namatay mong boyfriend kaya ka nagkaroon ng maraming pera? O baka naman lahat ng iyon ay kasinungalingan lang dahil ang tot
