KANINA pa pinipindot nit Lucy ang door bell na nasa gate ng bahay ni Sabina ngunit wala pa ring lumalabas para pagbuksan iyon. Oo, kinakabahan siya. Pakiramdam niya ay may hindi magandang mangyayari sa araw na ito. Bigla niyang naalala ang matatalim na titig ni Sabina kay Alyson noong huli silang magkakasama na tatlo. Parang hindi nagustuhan ni Sabina ang pinagsasabi ni Alyson ng panahon na iyon.
Isa pang pindot sa door bell at nagdesisyon na si Lucy. Papasok na siya sa loob ng bahay. Bahala na kung mademanda siya ng tresspassing. Isinuot na niya ang kamay niya sa awang ng gate at siya na mismo ang nagbukas niyon. Hindi na siya nag-abalang isara pang muli ang gate. Nagmamadali na naglakad siya papasok sa loob ng bahay ni Sabina.
Ngunit nasa bungad pa lamang si Lucy ng main door ay natigi
