Nagising ako sa isang madilim at mabahong lugar. Nangangamoy bulok na tubig at patay na hayop. Nakakasakit ng ulo ang amoy! Kahit yata patay na daga at kalawang ay namumutawi ang singaw sa aking ilong.
Nakamulat man ang mata ko pero hindi ko maaninag kung nasaang lugar na ako ngayon. May nakapiring na tela sa mata ko. Kahit ang bibig ko ay may nakasapal doon para hindi ako makagawa ng kahit anong ingay.
Sinubukan kong magpumiglas sa kinauupuan ko pero ramdam ko agad ang pananakit ng aking leeg mula sa pagkakayuko ko ng matagal kanina. Kahit ang likod ko ay dumadaing na din sa sakit. Ramdam ko ang kaonting hapdi mula sa lubid na nakatali sa aking kamay at paa.
Pinakiramdaman ko ang paligid at ramdam kong may kasama ako ngayon. Nasa malapit lang siya. Naririnig ko ang malulutong na tunog
