"Paano mo nalaman na magkamag-anak si Jinky at si Arturo?"
Hindi ko kasi alam kung paano niya natuklasan iyon. Palaisipan pa din sa akin. Aminado ako, magaling na magpanggap si Jinky. Kahit si Chexter ay nabilog nito.
"Pagdating niya pa lang sa Assunta, kilala ko na siya. Nakilala ko na siya noon dahil nakatira siya sa Assunta at naging nobya ko siya."
Natigalgal ako.
"Nobya? Naging nobya mo si Jinky?"
Tumango siya.
"Oo kaso sa ambisyon niya, naghiwalay din kami. Umalis siya ng Assunta at nagpunta ng Dinalupihan para dito mag-aral."
Natulala ako. Hindi pa din ako makapaniwala na may nakaraan si Lumen at Jinky. Nalaman ko din na isa si Lumen sa mga umawat sa away ni Manang Leni at ni Jinky.
Nilingon ko si Lumen na patuloy sa pagkukwento.
"Ang pamilya ni Arturo ay nagkaroon ng ma
