Tatlong taon.
Tatlong taon mula nang lisanin ni Romina ang Pilipinas, ang kanyang puder kasama si Alessandro, ang magulong buhay na sumira sa kanya dahil din sa kagagawan ng kanyang mga magulang. At ngayon, sa isang mataong distrito sa gitna ng Madrid, Spain—nakasuot siya ng tailored white silk blouse na may bukas na likod at itim na palda na tumatama sa gitna ng kanyang hita, sakto sa hubog ng kanyang baywang. Naglalakad siya papasok sa isang bookstore-café na paborito niya’t ilang hakbang lamang mula sa high-rise condominium na tinitirhan nila ng kanyang anak.
Tuwid ang tindig niya. Walang bakas ng kahapon sa kanyang paglalakad. Ang makinis niyang balat ay lalong lumantad sa liwanag ng araw, ang kayumangging kutis na parang may pulbos sa bawat galaw. Ang kanyang mahabang buhok ay strai
