Ang buong mansyon ay balot ng tensyon. Simula nang mawala si Romina mula sa clinic, hindi na mapakali si Alessandro. Makailang ulit niyang kinontak ang clinic, ang mga staff, at maging ang mga doktor, lahat ay walang ideya kung saan siya nagpunta. Ibinaba niya ang telepono, napasandal sa upuan, at mariing napapikit. Pumasok si Silvia, dala ang parehong galit at pag-aalala.
“Ilang araw na, Alessandro. Hindi mo ba talaga alam kung saan siya nagpunta?”
“Kung alam ko lang, Ma, matagal ko na siyang pinuntahan…”
Nagpasya si Alessandro na huwag nang umasa sa pulisya. May mga tanong, may red tape, may batas na dapat sundin. Ngunit para sa kanya, ito ay isang personal na digmaan.
Kaya tinawagan niya si Joel, isang retiradong pulis na matagal nang private investigator, kaibigan ng ama ni Alessan
