Tahimik ang buong silid. Tanging mahinang tunog ng hanging pumapasok sa bintana at mabagal na tik-tak ng antique na orasan sa dingding ang maririnig. Nakahiga si Romina sa kama, nakatitig sa kisame, habang marahan ang paghaplos niya sa kanyang tiyan. Ilang buwan na rin ang lumipas mula nang makumpirma ng doktor ang kanyang pagbubuntis. Pitong buwan. Isang napakalapit na panahon para sa isang ina na wala pa ring katiyakan kung saan siya lulugar sa mundong ginagalawan niya ngayon.
Nang sabihin ni Manang Ising na nandito na ulit si Captain sa Pilipinas ay nais niya sanang sabihin agad na gusto na niyang umalis. Pero hindi iyon ang ginawa niya. Mas pinag-isipan niya pa ang dapat gawin dahil alam niyang hindi naman ganoon kadaling umalis sa mansion. Lalo pa sa kalagayan niya.
Pero ngayon ay
