Ang lamig ng air-conditioning ng Grand Empire Hotel ay hindi sapat upang pahupain ang init ng tensyon na nagsimulang kumalat sa conference room sa ika-limang palapag. Isa-isang dumating ang mga kinatawan mula sa iba't ibang kilalang kumpanya, lahat ay naroon upang maging bahagi ng ambisyosong proyekto sa Subic Bay—isang airport na nais gawing pinakamoderno sa buong Southeast Asia.
Ngunit para kay Alessandro Manuel Antonio, ang araw na iyon ay hindi lamang tungkol sa negosyong pinopondohan niya. May mas personal siyang layunin—isang taong inaasahan niyang makita pagkatapos ng mahabang panahon. At nang bumukas ang pintuan ng conference room, halos mapatid ang kanyang hininga.
Si Romina
"Romina... You're here." Aniya na tila hindi pa rin inaasahan na narito si Romina sa kanyang harapan.
