Sa loob naman ng C-Byen ay tulala ang lahat sa balitang kanilang narinig, na kasasabi pa lang ni Riya. Tahimik lamang sila at walang makaimik sa biglaan lamang na pangyayari.
“Sa tingin ko ay pansamantala lang naman ito. Tatawagan rin naman namin kayo agad ’pag naibalik na ang regular operation ng C-Byen ulit. Kung mananatili kayo rito ay hindi na namin kayang magpasahod. Kaya sa ngayon na may natitira pa kaming kaonting funds, babayaran namin kayo para sa buwan na ito. Maraming salamat sa serbisyo ninyong tatlo.” Tumayo si Riya at isa-isang tinawag ang tatlong natanggal na mga tauhan.
“Ri-Riya, baka naman pupweding ’wag na akong matanggal. Kailangan ko kasi ng pera para sa operasyon ng Nanay ko e,” sabi ng huling tinawag ni Riya. Tanging sila na lang dalawa ang natira sa may meeting are
