Chapter 34
Pagod na pagod si Mami habang naglalakad pauwi sa apartment niya. Gutom na gutom din siya pero baka itulog na lamang niya ang gutom pag-uwi. Nagmamadali siyang magbukas ng pinto at pagkapasok niya ay kaagad na bumungad sa kanya ang pagmumukha ni Leon. Nakaupo ito sa sofa niya at tila inip na inip na sa paghihintay.
"Hoy! Paano ka nakapasok dito?!" Gulat na tanong ni Mami kay Leon.
Nagkibit-balikat lang naman si Leon kay Mami.
"Nakalimutan mo bang mas magaling pa ako sa akyat-bahay? Saan ka nagpunta? Kasama mo na naman 'yong Prince?" Tanong nito kay Mami.
"Oo, magkasama kami. Bakit ka pumasok dito kahit wala ako? Ang creepy mo, Leon," inis na sabi rin naman ni Mami.
"Naiinip kasi ako kakasilip maya't-maya sa pinto mo, kaya dito na ako mismo naghintay sa loob. Bakit ka naii
