Chapter 35
Mabilis na humarurot paalis ang motorsiklo matapos siyang sagiin nito. Dahan-dahan siyang bumangon at ramdam kaagad niya ang kirot sa kanang kamay niya. Kaagad na may dalawang babae na lumapit sa kanya.
"Miss, ayos ka lang ba? Hindi ka naman dinugo pero baka napaano 'yang ipinagbubuntis mo?" Tanong ng isang matandang babae na kaagad na lumapit sa kanya.
Napayuko naman siya sa tiyan niya. Saka lang niya naalala ang sitwasyon niya ngayon.
"Ayos lang po ako, Nanay. Maraming salamat po. Hindi niyo po ba napansin ang plate number ng motor?" Tanong ni Mami.
"Ate, ako po nakita ko 'yong plate number," sabi naman ng isa pang dalaga.
Matapos niyang makuha ang plate number ng motor ay nagpaalam na siya sa dalawa. Hindi na siya nagpahatid sa ospital. Hindi naman malala ang sitwasyon
