PAGDATING KAY RGL, ang lakas-lakas ng loob ni Abie. Kinalimutan niya ang pangako niya sa mga magulang na hindi muna magbo-boyfriend habang nag-aaral. Pero heto siya, hindi lang basta nakikipag-boyfriend. Parang live-in na rin ang set up nila. Basta makakalusot siya ay doon siya sa condo umuuwi. Mas excited nga siyang sa condo nila umuwi kesa sa town house na talagang tinutuluyan niya.
Private paradise. Iyon ang turing nila sa unit na iyon na kanilang-kanila lang. At kapag naroroon siya, inaasikaso niya ito na para na silang mag-asawa. Hindi iilang beses na isinasantabi niya ang mga leksyon niya para kay RGL. Lahat halos nakakalimutan niya basta si RGL ang pag-uusapan.
“Twenty-ninth floor ka rin?” nakangiting sabi sa kanya ng babaeng nakasakay niya sa elevator. Pipindutin na niya ang buto
