Maganda, maluwang, at maaliwalas ang loob ng bahay. Siguro dalawang beses ang laki nito kumpara sa bahay namin na para bang ipinapahayag ni Miguel na handa siyang bumili ng ganito kalaking bahay para sa akin. Halatang bagong gawa ang bahay kaya sigurado akong Hindi ito ang bahay na binili niya para kay Archie noon. Ang tanong na biglang bumulabog sa isipan ko habang iginagala ko ang paningin ko sa bahay ay kung mas malaki at mas maganda ba ang biniling bahay ni Miguel para sa akin kumpara sa binili niya para kay Archie.
May dalawang may edad na babae ang sumalubong sa amin.
"Good afternoon po, Sir Miguel," bati ng mga ito sa gobernador. Hinila naman ako ni Miguel at inakbayan.
"Ito si Patrick, ang magiging amo ninyo sa bahay na ito. Itinuturing ko siyang anak kaya asikasuhin ninyo si
