HANNA’s POV
Divorce?
Isang buwan na halos ang nakalipas simula nang sabihin sa akin iyon ni Gino sa chat.
Hindi ako nasaktan para sa sarili ko nang sabihin niya iyon. Nasaktan ako para kay Rain. Dahil noong nakipaghiwalay ako sa kaniya, hindi pumasok sa isip ko ang salitang divorce dahil umaasa pa ako na sa mga susunod na panahon, kapag tuluyan na akong naging okay ay p’wede ulit kaming magsama para sa anak namin. Kaya nga hiwalay lang ang pakiusap ko sa kaniya.
Pero ngayong sinabi niyang gusto niya ng divorce, nalungkot ako nang sobra para sa anak ko. Pakiramdam ko ay tuluyan na siyang walang kakalakihang ama dahil sa mga binitawan na salita sa akin ni Gino. Idagdag pa na gusto na niya rin akong humanap ng iba.
Hindi naman ‘yon ang gusto ko. Gusto ko lang maghilom. Gusto ko lang sa
