Six months later . . .
HANNA’s POV
ANIM na buwan na ang lumipas simula nang maghiwalay kami ni Gino. Ngunit hanggang ngayon ay hindi niya pa rin dinadalaw si Rain dito sa bahay. Hindi ko alam kung bakit. Hindi naman namin iyon napag-uusapan dahil madalang lang naman kami kung mag-chat sa isa’t-isa. Nagcha-chat lang ako sa kaniya kapag nag-se-send ako ng pictures at video ni Rain.
Pero siya, nagcha-chat siya kapag gusto niya itong kumustahin. Chat lang. Ni minsan ay hindi siya nag-request ng video call or voice call. Magcha-chat lang din siya kapag sasabihin niyang nakapag-send na siya ng pera sa bank account ko para sa amin ni Rain.
Noong minsan, habang pinaliliguan ni mama si Rain ay sinubukan ko siyang i-video call para makita niya kung gaano kagusto ni Rain sa tubig. Pero hindi niya
