HANNA’s POV
ISANG linggo na simula nang umalis si Gino sa bahay. Magmula rin no’n ay wala na akong balita sa kaniya. Noong gabing umalis siya rito, kinabukasan ng umaga ay nag-chat pa ako sa kaniya at tinanong ko kung nakarating na siya sa bahay niya. Ngunit ang chat ko na iyon ay hindi man lang niya na-seen hanggang ngayon.
Galit ba siya?
Nagtatampo ba siya?
Ipinaliwanag ko naman sa kaniya ang sitwasyon ko. Sana naman huwag siyang magtanim ng sama ng loob sa ‘kin. Lalo na at alam naman niyang kaya ko ginustong maghiwalay muna kami ay para rin naman sa amin. Dahil the sooner na maging okay na ako, the better. Pero kung hindi ko ginawa ‘yon at pipilitin kong magsama kami ngayon, hindi lang ako ang mahihirapan. Pati siya rin. Kakayanin niya ba na makitang lagi ko siyang iniiwasan? Na sa
