HANNA’s POV
DAHIL wala akong pasok ngayon at sinabi na rin naman ni Jake na walang problema sa loteng bibilhin ko, naisipan ko nang tawagan ang manager kong si Nathan. Sinabi ko sa kaniya na kung puwede ay ngayon na namin puntahan para hindi na ako maabala pa next week dahil magsusunod-sunod na naman ang mga trabaho ko.
Pumayag siya at sinabing pupuntahan ako after an hour kaya sa halip na magpainin sa kama at mag-extend ng tulog ay naisipan ko nang bumangon. Good thing na dumating na rin si Janice. Since isasama ko si Rain, kailangan niya rin sumama.
Makalipas ang isang oras, nakagayak na kaming lahat nang dumating si Nathan. Sa harap ako sumakay habang nasa backseat naman si Janice at kandong niya si Rain. Mabait si Nathan kaya ayos lang sa kaniya na kasama ko ang anak ko at ang nanny
