HANNA’s POV
AFTER lunch nang umalis kami sa Greensouth, pero alas-otso na ng gabi nang makauwi kami sa bahay. Sa condo. Ngayong araw rin kasi ay nagkita kami ni Lena, iyong pinsan ng manager ko na may-ari ng bahay. Inayos na rin namin ang mga papeles ng bahay na kailangan pirmahin. Nagkabayaran na rin kami kanina kaya masasabi kong sa akin na talaga ang bahay na ‘yon. Sa amin ni Rain.
“Thank you, Nathan!” Masaya akong kumaway sa kaniya pagbaba namin sa sasakyan. Buhat naman ni Janice si Rain, tulog na ito. Kanina pa siya nakatulog sa biyahe, mga dalawang oras na.
“No problem. See you tomorrow!” Kumaway rin siya sa amin bago niya isara ang bintana sa tapat niya. Nang umandar na ang sasakyan niya paalis ay saka pa lang kami humakbang ni Janice papasok sa loob ng building.
Pag-akyat namin
