"Aalis po sana ako, dadalawin ko lang si Nanay," paalam ko kay Lolo habang nag-aalmusal kami.
Ngayon ang death anniversary ng nanay ko. Sampong taon na ang nakakaraan mula nang mamatay siya at hanggang ngayon nangangapa pa rin ako para mahanap ang hustisya para sa kaniya.
"Sige," mabilis na pagpayag nito.
"Oh, death anniversary nga pala ng nanay mo ngayon. Parang kailan lang nakikita ko pa siya dito sa mansyon," saad ni Tita Marina.
Ngayon ko lang naisip. Close din kaya ang mama ko sa kaniya? Kung nagkaroon ng relasyon si Mama at Tito Baste, nalaman ba iyon ni Tita Marina? Hindi ba siya nagalit? Ang kaso hindi ko naman alam kung kailan nagkaroon nang relasyon si Mama at Tito, o kung talaga bang may naging relasyon sila. Hindi pa ako sigurado. Ang alam ko lang close sila sa isa't isa ba
