Naupo ako at inalis ko ang mga petals nang bulaklak na nalaglag sa lapida ni nanay bago ko inilagay ang dala kong bulaklak sa gilid.
Vivien Lopez, March 3, 1978–May 8, 2014
Dinampian ko ang lapida ni nanay. Wala na akong ibang pwedeng madama kundi ang malamig na lapida kung saan nakasulat ang pangalan niya.
"'Nay, mukhang dinalaw kayo ng ex n'yo," hindi ko mapigilang sabihin habang nakatingin sa pangalan ng ina ko at sa lumang bulaklak na naroroon. Hindi pumasok sa isipan ko na dadalawin siya ni Tito Baste. "Ex n'yo ba talaga siya? Kunsabagay, maganda naman kayo kaya hindi na ako nagtataka kung nagkagusto siya sa inyo dati." Hindi ko pa rin sigurado kung ano ang nakaraan ng ina ko at ni Tito. Maraming tsismis pero hindi ko alam kung alin ang totoo.
Sinindihan ko ang dalawang kandilang
