Sinubukan kong tawagan din si Anikka nang makaupo na ako pero hindi ito sumasagot sa tawag ko. Siguro ay busy siya, pero palagi naman itong nagrereklamong bored na bored na raw ito sa bahay nila.
Napakunot ang noo ko nang makita kong papalapit si Meredith. Nakasumbrero ito at salamin pa. Bakit naman ganito ang attire nito? Daig pa ang artistang nagtatago sa paparazzi.
Napatingala ako sa kaniya nang lumapit siya sa table kung saan ako nakaupo. Umupo ito sa tapat ko at hinubad ang suot na sunglasses.
Napailing na lang ako nang makita ko ang mukha niya. May pasa na naman ito sa may mata.
"Jinumbag ka na naman ng tipaklong mong jowa?" hindi makapaniwalang tanong ko sa kaniya.
Kailan ba niya hihiwalayan ang lalaking iyon?
"Nabigla lang raw siya, nag-sorry naman na siya kaya okay na."
Na
