"Kaya ba hindi mo magawang sabihin sa akin ang tungkol sa pagkatao mo ay dahil sa isa kang mamamatay tao?"
Nanlaki ang mga mata ni Cloud pagkapasok niya dito sa unit niya.
Diretso ko siyang tiningnan sa mata. "Ang galing mong pumatay. Simple lang. Parang normal na normal lang sa iyo pero malinis. Ibang klase. Napahanga mo ako sa husay mong pumatay, Cloud."
Nagulat ako nang bigla siyang lumuhod sa harapan ko. "Kristine…alam kong galit na galit ka sa akin dahil nalaman mo na ang pagkatao ko. Pero kahit na ganito ang trabaho ko, hindi naman ako masamang tao. Ang mga taong pinapapapatay ay mga druglord, mga businessman na mga korap at iba pang mayayamang taong may maduduming gawain. Balak ko naman talagang sabihin sa iyo ang lahat pero hindi ako makahanap ng magandang tiyempo. At isa pa, p
