Nakipagkita si Cloud sa isang abandonadong gusali kung saan nadoon si Daniel kasama si Kristine. Kumirot ang puso ni Cloud nang makita niya si Kristine na nakatali habang ang gilid ng labi nito ay may dugo.
"Anong ginawa mo sa kaniya? Anong ginawa mo kay Kristine!" galit na sigaw ni Cloud kay Daniel.
Tinawanan lang siya nito. "Wala naman. Nasampal ko lang ng malakas. Ang kulit kasi eh. Hindi nakikinig. Kaya ayon, nasampal ko," sabi ni Daniel sabay tawa.
"Pakawalan mo siya. Ako ang harapin mo! Ako ang pahirapan mo dahil sa akin ka naman galit, 'di ba?" Gigil na wika ni Cloud.
Pumalakpak si Daniel. "Ang cute mo namang pagmasdan. Para tayong nasa isang telenobela. Ang ganda! Ang tamis mo!" sabi niya sabay halakhak.
"Tiko…" bulong ni Kristine sa kaniyang sarili kasabay ng pagpatak ng kan
