THE NEXT DAY, I WOKE UP EARLY. Hindi naulit ang pagniniig namin ng asawa ko kagabi. Pagkatapos kasi niyang kumain ay inilabas ko ang mga pinagkainan niya, tapos ay tumambay pa ako saglit sa sala kasama sina Lando, Joy, Mario at Luigi na nag-iinuman pa.
Nang matapos sila ay bumalik na rin ako sa kuwarto namin ng asawa ko, at naabutan ko siya na tulog na tulog na. Bahagya pa siyang naghihilik kaya alam ko na masarap na ang tulog niya.
Nakakatawa pa nga kasi nakatulugan pa niya ang pinapanuod niyang pelikula. Kaya naman hinayaan ko na lang siya na magpahinga. Siguro ay gising ako hanggang mga bandang alas dose kagabi, ramdam ko ang tama ng beer sa akin pero hindi ako agad dinalaw ng antok.
Kaya naman wala akong ginawa kung hindi ang tahimik na pagmasdan at panuorin sa pagtulog ang asawa ko
