ARAW ng libing ni Mang Tonyo. Tila nakikidalamhati ang langit sa pamamaalam ng matanda sapagkat kumukulimlim ang kalangitan. Hindi mahulugang karayom ang mga taong nakikiramay habang hinahatid siya sa kanyang huling hantungan. Noon lamang nakita ni Chad kung gaano kabuti ang kanyang tatay-tatayan. Naisip niya, ganoon mo masusukat kung mabait kang tao o hindi. Na sa oras na pumanaw ka, nakadepende kung gaano karaming tao ang makikiramay sa iyo.
Lahat sila ay nakasuot ng puti. Hawak naman ni Chad ang natatanging litrato ng kanyang amain. Hindi niya magawang bitawan sa pagkakayakap ang larawan ni Mang Tonyo habang naglalakad sa likod ng karosang lulan ng ataul ni Mang Tonyo. Katabi naman niya si Clinton at si Elias na simula nang dumating sa burol ay sila na ang nag-asikaso sa lahat. Hindi
