AKALA NI KHAIRA ay nagbibiro lamang ang asawa na magbabakasyon sila ng isang linggo. Dahil alam niya kung gaano nito kamahal ang trabaho. Ayaw niya pa sana pumayag lalo pa at iiwanan nila ang anak. Hindi pa siya nalayo sa anak ng gano'n katagal. Habang siya ay nag-aalala ang anak naman ay tuwang-tuwa dahil may baby sister na raw ito pagbalik nila. Nasapo na lang niya ang noo sa tinuran ng anak. Hindi rin siya makatingin sa mga magulang at pati kay Amah. Dahil alam niya na tutuksuhin siya ng mga ito. Gayunpaman, wala rin siyang nagawa kundi sumama sa asawa sa kung saan man, dahil ayaw nito ipaalam. Surprise raw.
Nakasakay sila ngayon sa private plane na pagmamay-ari ng mga Quazon. Nakapwesto na siya at hinihintay ang kanilang pag-alis. Nakatanaw siya sa labas ng bintana. Madilim na ang kap
