HUMIHIKAB na nagmulat ng kaniyang mga mata si Fatima. Nagising siyang madilim ang buong paligid. Nakatulog pala siya sa tabi ni Kier. Nang maalala niyang inaapoy ng lagnat ang binata ay agad siyang napabangon. Bumaba siya ng kama at in-on ang switch ng ilaw.
Humaplos ang awa sa puso niya nang makita si Kier, nakabaluktot itong natutulog. Kinapa niya ang noo at leeg nito, mainit pa rin ang binata pero hindi na katulad kanina.
Kinuha ni Fatima ang kumot at kinumutan ang binata saka dali-daling lumabas ng silid. Nagtungo siya sa kusina. May natira pa silang kanin, ininit niya 'yon. Binuksan niya ang fridge at naghanap ng maluluto. May nakita siyang instant noodles. Iyon ang niluto niya na maaaring ipakain kay Kier para humupa ang lagnat nito.
Hindi pa rin posibleng makabili ng gamot dahil
