KAUUWI lang ni Kier galing sa trabaho.
"Darating pala parents natin dito mamaya," pagbabalita ni Kier.
Natigilan si Fatima. Kasalukuyang naroon siya sa sala nang dumating ang asawa.
"Is that so?" Dahan-dahan siyang humarap dito. Tumayo siya at tinungo ang bintana.
"Don’t worry." Sumunod ito sa kanya.
How could she not worry? Ang sinasabi nitong pagbisita ng kanilang mga magulang ay nagpapaalala lamang sa kanya na malapit na silang maghiwalay. Pero iyon naman ang nais niya sanang sabihin kay Kier, hindi niya lang maisatinig. Biglang nanikip ang dibdib niya sa naisip.
"N-ngayon na ba natin itutuloy ang plano natin?"
Sandaling natahimik si Kier. Mula sa sulok ng kanyang mga mata ay nakita niya ang paninigas nito. Narinig niya ang marahas nitong buntong hininga.
"I-iyon ba ang gusto mo
